ბათუმის ჭადრაკის სასახლე

 ბათუმის ჭადრაკის სასახლე

კონკურსის გამარჯვებული - ალფა არქიტექტურა

შენობის მოცულობა და ფასადის კონცეფცია შთაგონებულია ჭადრაკისთვის სახასიათო ისეთი ელემენტებით, როგორებიცაა: სათამაშო დაფა, კვადრატული უჯრები, შავი და თეთრი ფერის რიტმული კომბინაცია და ა.შ.

მთლიანი მოცულობა მაქსიმალურად არის მორგებული ადგილობრივ კონტექსტს, რათა საკმაოდ დიდი გაბარიტების მქონე შენობა ჰარმონიულად იყოს შერწყმული გარემოსთან

შენობის ფორმის ინსპირაციას წარმოადგენს ჭადრაკის გადაშლილი სათამაშო დაფა, რომელიც ოთხივე ფასადზე შეფუთულია მზის პერფორირებული საჩრდილობლით. შავ-თეთრი პატერნი არის სათამაშო უჯრების ერთგვარ ინტერპრეტაციას, რაც ასევე ხაზს უსვამს ჭადრაკთან სიახლოვეზე.

შენობის შესასვლელში აღმართულია ბრინჯაოსფერი ჭადრაკის ფიგურის, ეტლის (ტურა) დიდი ზომის სკულპტურული ინსტალაცია, რაც აქცენტის როლს ასრულებს და აცოცხლებს მონოტონურ ფასადს და ასევე ჯდება ჭადრაკის თემატიკაში.

შენობის სახურავი დაყოფილია ჭადრაკის დაფის მსგავსად, თითო მოდული წარმოადგენს ან მწვანე გადახურვას, ან მზის პანელს, რაც შენობის ენერგოდამოუკიდებლობისთვისაა გაკეთებული.

ჭადრაკის “დაფის” ორი ნაწილის შუაში გაკეთებულია მინით შეფუთული ზამთრის ბაღი, რომელიც შენობაში აჩენს ერთგვარ ატრიუმს მწვანე მოსასვენებელი სივრცით.

სატურნირო დარბაზი - 2ერთეული - თითოეული 600 კვ.მ.

სამეცადინო ოთახები ვიტრაჟული ხედით დარბაზთან - 8 ერთეული ოთახი, თითო დარბაზთან 4 ერთეული.

სამედიცინო ოთახი - 2 ერთეული;

ადმინისტრაციული ოთახები - 3 ერთეული;

საკონფერენციო ოთახი 20 მონაწილეზე, აღჭურვილი შესაბამისი ინფრასტრუქტურული სისტემებით 

სპორტულ-ლიტერატურული სივრცე

საჭადრაკო ბიბლიოთეკა

საგამოფენო სივრცე

კვების ობიექტი

სპორტული მაღაზია

სასტუმროს ნომრები - ორადგილიანი 15 ოთახი

შშმ პირებისთვის  ადაპტირებული 2 ნომერი

სასტუმროს მობინადრეთათვის სატრენაჟორო დარბაზი